TƏBİB-in Elmi-tədqiqat və təhsil departamentinin təşkilatçılığı və tabeli xəstəxanalarda çalışan 300-dən çox tibb işçisinin iştirakı ilə 4 may - Beynəlxalq Astma Gününə həsr edilmiş elmi-praktiki vebinar keçirilib.

 

Vebinarı giriş nitqi ilə açan TƏBİB-in İdarə heyətinin sədri Ramin Bayramlı çətin pandemiya dövründə fədəkarlıq göstərən tibb işçilərinə minnətdarlığını bildirib. İdarə Heyətinin sədri cəmiyyətin diqqətini problemə cəlb edərək, əhalini bu xəstəliyin ilkin əlamətləri və müalicə istiqamətləri barədə daha geniş maarifləndirməyin önəmindən danışıb.

 

R.Bayramlı astmanın dünya səhiyyəsinin qlobal problemlərindən hesab olunduğunu və yer kürəsində bu xəstəlikdən milyonlarla insanın əziyyət çəkdiyini bildirib.

 

Daha sonra TƏBİB-in Elmi-tədqiqat və təhsil departamentinin rəhbəri, professor Elmir Bəşirov, şöbə müdiri, t.ü.f.d Emil İskəndərov, Elmi-Tədqiqat Ağ Ciyər Xəstəlikləri İnstitutunun direktoru, professor Həqiqət Qədirova, institutun aparıcı pulmonoloqları - t.ü.f.d. Gülzar Əliyeva, t.ü.f.d. Vasif Abdullayev, elmi işçi Günay Əliyeva və Sevda Mustafayeva çıxış edərək bronxial astma xəstəliyinin müayinə, müalicə prinsipləri, aparılan tədqiqatların nəticələri haqqında ətraflı məlumat veriblər.

 

Sonda Elmi-Tədqiqat Ağ Ciyər Xəstəlikləri İnstitutunun pulmonoloqları tərəfindən vebinar iştirakçılarını maraqlandıran suallar cavablandırılıb.