Qapalı rinoplastika burun dərisini kəsmədən, yumşaq toxumaları açmadan və dəridə iz qoymadan həyata keçirilir. Bu əməliyyatda bütün kəsiklər burun dəliklərindən keçilərək edilir. Kənardan heç bir kəsik aparılmır. Buna görə də burunda yara izi olmur. Qapalı rinoplastika bir sıra üstünlüklərinə görə bu gün ən çox seçilən burun əməliyyatı növüdür. 

Qapalı rinoplastikanın üstünlükləri

Bunları aşağıdakı kimi sıralaya bilərik:

Ən önəmlisi odur, burun xaricində heç bir kəsik aparılmadığı üçün özündən sonra iz qalmır.

Qapalı rinoplastika etdirənlərin burnundakı hər hansı bir əzələ və ya toxuma zədələnmir.

Burundakı yumşaq toxumalar zədələnmədiyi üçün daha təbii bir görünüş əldə edilir.

Qapalı rinoplastikadan sonra minimal şişkinlik görünür və heç bir göyərmə olmur.

Sağalma prosesi açıq rinoplastikaya nəzərən daha sürətli baş verir.

Qapalı burun əməliyyatı ilə hansı şikayətlər aradan qalxır?

Qapalı rinoplastika ilə açıq rinoplastikada həll edilən bütün problemlər aradan qaldırıla bilər. Yəni müxtəlif burun deformasiyaları, tənəffüs yollarında nəfəsalma şikayətlərinə səbəb olan bütün problemlərə müdaxilə etmək mümkündür.

Qapalı burun əməliyyatı necə edilir?

Qapalı rinoplastika əməliyyatı demək olar ki, ümumi anesteziya altında aparılır. Burunda ciddi problem yoxdursa və müdaxilə edəcək sahə azsa, lokal anesteziyaya da üstünlük verilə bilər. Əməliyyatın müddəti orta hesabla 1-3 saat arasındadır. Burun dəliklərindən keçməklə edilən kəsiklər ilə ona lazımi müdaxilələr edilir və estetik tikişlərlə əməliyyat tamamlanır.

Qapalı rinoplastikadan sonra

Əməliyyat lokal anesteziya altında edilərsə, xəstəni həmin gün evə buraxmaq olar. Ümumi anesteziyadan sonra isə bir gün nəzarət altında qalmağı istənilə bilər.

Qapalı burun əməliyyatından sonra qanaxmanı azaltmaq üçün buruna silikon atellər və qoruyucu bantlar vurulur. Bu atellər ilə xəstələr nəfəsalma problemi yaşamır.

Qapalı rinoplastikadan sonrakı ilk 48 saat ərzində yüngül şişkinlik olması normaldır.

Xəstələr 1 həftədən və ya 10 gündən sonra gündəlik həyatlarına qayıda bilərlər.

Qapalı rinoplastikadan sonrakı ən önəmli nüanslar

Əməliyyatdan sonra ilk həftədə xəstələrə başlarının altında ən azı iki yastıqdan istifadə etmək məsləhətdir.

Yaxşılaşma müddəti orta hesabla 6 həftə çəkir. Əməliyyatdan 3 gün sonra duş qəbul etmək olar.

Xəstələr ağır idman növlərindən və iki ay günəş işığından uzaq olmalıdır.

Qapalı burun əməliyyatından sonra günəş eynəyindən istifadəni təxminən 2 ay təxirə salmalıdır.

Burunu günəş işığının birbaşa təsirlərindən qorumaq üçün qoruyucu kremlərdən ən azı bir ay istifadə etməlidir.