Ziyillərdən xilas yolları - 7 effektiv təbii müalicə
03.05.2021 09:10

Ziyil dəridə HPV virusunun əmələ gətirdiyi xoşxassəli şişdir və dərinin bütün nahiyələrində əmələ gələ bilər, əvvəlcə nöqtə boyda olur və tədricən böyüyür. Ən çox 10-20 yaşarası təsadüf edilir və həmin yaşda olanların 10 faizində ziyil əmələ gəlir.

 

Virusun dərinin dərin təbəqələrinə keçməsi travmalar nəticəsində mümkün olur. Ona görə də ziyil əsasən təzyiqə məruz qalan və qaşınan yerlərdə çıxır. Həddindən artıq manikür və dırnaq yemək ziyilin əmələ gəlməsini asanlaşdırır. Ayaq ziyilləri əsasən hamam və hovuzda yoluxur.

 

Aztibb.az ziyilin aparılması üçün həkim və fitoterapevtlərin məsləhət gördüyü bir sıra üsulları xatırladır.

 

Böyük bir soğanın ortası oyularaq duz tökülür, duz əriyəndən sonra həmin mayedən götürülərək gündə bir neçə dəfə ziyilin üstünə sürtülür.

 

Yetişməmiş əncirdən çıxan süd ziyilin üzərinə sürtülür, cavan qoz ağacı yarpağı bişirilərək onun üzərinə bağlanır, yaxud gicitkən yarpağı balla qarışdırılaraq təpitmə qoyulur.

 

Əhəng sirkə ilə qarışdırılaraq ziyilə sürtülür və onu yandırıb aradan çıxarır.

 

Gündə 2-3 dəfə zəncirotu və kartof, gecə yatmazdan əvvəl dəmrovotu şirəsi sürtülür. Prosedur ziyil tam quruyub düşənə qədər davam etdirilir.

 

Yatmazdan əvvəl 4-5 gün yovşanın təzə dərilmiş yarpaqları və ya sürtgəcdən keçirilmiş soğanla təpitmə qoyulur.

 

Sulanmış ziyilə gündə 3-4 dəfə naşatır spirti və ya qıtıqotu ilə çay sodası bərabər nisbətdə isladılaraq təpitmə qoyulur.

 

Ziyil ayaq pəncəsinin altında olanda ləyəndə 5 litr isti suyun üzərinə 2 xörək qaşığı çay sodası tökülür, ayaqlar 10 dəqiqə suyun içində saxlanır. Məhlulun soyumaması üçün vaxtaşırı ləyənə qaynar su əlavə edilir. Sonra buynuzlaşmış ziyil dabandaşı ilə sürtülür. Daha sonra ziyilin üstünə 1 tikə təzə mal əti qoyulur, isladılmış kağız salfetlə bükülərək üstü sellofanla örtülür, açılmaması üçün yapışqanlı parça ilə bağlanır. Su ilə islanmaqdan qorunur və 3 gün sonra açılır. Gigiyenik qaydalara əməl etmək üçün antiseptik təsirə malik bitkilərlə vanna qəbul edilir.

ÇOX OXUNANLAR
Autizmdən əziyyət çəkən uşaqlar üçün təmənnasız müayinə və müalicə prosedurları həyata keçirilir - AKSİYA
Gözlərə nur bəxş edən fədakar həkim
Kardioloq Fikrət Sadıqzadə ürək çatışmazlığından vəfat edib  
Həddindən artıq su qəbulu beyin şişməsinə səbəb ola bilər
TƏBİB Cavanşir Məmmədovun ölümü ilə bağlı məlumat yayıb 
Həyata keçirdiyi hər bir proseduru dəqiqliyi ilə yoxlayan həkim - Nuranə Abbasova
Nahidə Mahmudova Dövlət Gömrük Komitəsi Tibbi Xidmət İdarəsinin Mərkəzi Hospitalının rəis müavini təyin olunub
Bütün şəhər və rayonlarda “İmmunlaşdırma həftəsi”nin keçirilməsi ilə bağlı Əmr imzalanıb
 Tibb müəssisələri arasında şəhid ailələrinin üzvlərinin işlə təmin olunması sayına görə Sumqayıt Tibb Mərkəzi ilk yerdədir   
Tərtər Rayon Mərkəzi Xəstəxanasının terapevti - Ülviyyə Əkbərova
Seminarda müasir ginekologiyada lazer texnologiyalarının rolundan bəhs olunub
11 aylıq körpə Mərkəzi Klinikada əməliyyat olunub
2 nömrəli Bakı Baza Tibb Kolleci Həmkarlar İttifaqı Komitəsinin hesabat-seçki konfransı keçirilib
Beynəlxalq Tibbi və Sağlamlıq Turizmi Sərgisinə pulsuz bilet əldə edin!