Soyuq tər ağciyərlərdəki iltihabi proses və sağlamlıqla əlaqəli digər ciddi problemlərlə bağlıdır.

Aztibb.az medikforum.ru-ya istinadla xəbər verir ki, bu barədə həkim-terapevt Lyudmila Lapa məlumat verib. O, bildirib ki, həddən çox tərləmə, bir qayda olaraq iki pozuntudan xəbər verir – intoksikasiya və ya daxili qızdırma.

Həkim əlavə edib ki, ağciyərlərin infeksiyaları və hansısa bir xroniki xəstəliyin kəskinləşməsi özünü tez-tez bu simptomla göstərir.

Soyuq tərin yaranması zamanı həkim temperaturu ölçməyi tövsiyə edir: "Temperaturun olması həkim çağırmaq üçün ciddi səbəbdir və pis göstəricidir".

Həmçinin soyuq tər hiperhidroz (həddən çox tərləmək) problemi ilə də əlaqəli ola bilər. Onun səbəbi virus infeksiyasının orqanizmə daxil olması ilə yaranan immun sisteminin reaksiyasıdır.