Aztibb.az xəbər verir ki, tanınmış həkim-pediatr Günay Rəsulova sosial şəbəkədə bu barədə paylaşım edib. 

 

O, bildirib ki, uşaqların sup yeməsi mütləq deyil. Sup yemədiyi üçün uşağın mədəsi ağrımaz. Onlar günlük maye ehtiyacını adi su içərək qarşılayırsa, bütün günü quru yemək yeməyi heç bir ziyan etməz. Yeməyin tərkibində mütləq su getməsi vacib deyil. Uşaqların qida seçiminə hörmət etmək, onların sevdiyi qidaları yedirməyə, günlük qida rasionunda ən az 4 qida növünün - taxıllar, süd məhsulları, ət və ət məhsulları, meyvə, tərəvəzlər olmasına çalışmaq lazımdır.

 

"Uşağın mədəsinə zərər edən qidalar, çətin həzm olunan, yaxşı bişməmiş ətdən hazırlanan fastfudlar, nitritli qidalar, kolbasa, sosiska, qazlı, şəkərli içəcəklər, qısaca, zərərli qida vərdişlərinin olmasıdır. Uşaqları bunlardan uzaq tutmaq lazımdır", - deyə həkim əlavə edib.