Bugün dünyada bəzi xroniki xəstəliklər epidemiya şəklində çox yayılmışdır. Bu xəstəliklərdən biri də böyrək çatışmazlığıdır. Hər hansı xəstəlik zamanı müalicənin uğuru bu xəstəliyin erkən zamanda təyin edilməsi ilə sıx bağlıdır.

 

Aztibb.az xəbər verir ki, həkim-nefroloq Barat Yusubov böyrək çatışmazlığının ilkin əlamətlərindən bəhs edib. Onun sözlərinə görə, xroniki böyrək xəstəliyi irəli mərhələyə qədər hər hansı şikayətlə özünü göstərməyə də bilər. Lakin aşağıda sadalanan əlamətlərdən biri və ya bir neçəsi müşahidə olunursa, həmin insanda böyrək xəstəliyinin olmasından şübhə edilə bilər. 

 

- Halsızlıq, tez yorulma, enerji itkisi; 

- Konsentrasiya pozulması;

- İştahsızlıq

- Yuxu pozulması;

- Gecələr müşahidə olunan əzələ spazmları;

- Ayaqlarda şişkinlik, xüsusilə aşağı hissədə;

- Səhərlər gözətrafı şişkinlik;

- Dəridə quruluq və qaşınma;

- Xüsusilə gecələr tez-tez sidiyə getmək.

 

Həkim bildirib ki, bu şikayətlərin müşahidə olunduğu insanlar ən qısa zamanda gərəkli müayinələrdən keçməlidir.