Siqaretin sağlamlığa və orqanizmə verdiyi zərərlər hədsiz çoxdur. Xüsusilə də siqaretin tüstüsündə 4800-dən çox toksiki və kaserogen maddələr var. Belə ki, siqaret çəkən insan xroniki tənəffüs yolu, xərçəng və diabet kimi keçici olmayan xəstəliklərə yaxalanma riski altındadır.

Aztibb.az-ın tibbi mənbələrə istinadla verdiyi xəbərə görə, hər gün aşağıda sadalanan qidalardan istifadə etməklə nikotindən asılılığı qat-qat azaltmaq mümkündür.

– Kivi – Nikotinin orqanizmdən xaric olunmasına kömək edir.

– Zəncəfil – Ağciyərlərin təmizlənməsində bir nömrəli vasitədir və siqaret çəkmək istəyini azaldır.

– Kök suyu – Əgər siqaret alüdəçisisinizsə, bilməlisiniz ki, nikotin bədəninizdə 3 gün qalır. Lakin nikotinin zərərli təsirlərinə qarşı kök suyu içə bilərsiniz. Kök suyu siqaretin səbəb olduğu erkən qocalmanın qarşısını alır.

– Gicitkən – Bol miqdarda dəmir və dezinfeksiyaedici xüsusiyyətə malikdir. Gicitkən ilə də orqanizmdə yığılıb qalan nikotindən xilas ola bilərsiniz.

– Su – Bədəndən nikotinin atılmasında həddindən artıq vacib rol oynayır. Bədən susuz qalarsa, hüceyrələrin yenilənməsi və nikotinin mənfi təsirlərinin azaldılması çətinləşir.