Arı südü immuniteti gücləndirir və ömrü uzadır. Bunun sübutu isə yalnız arı südü ilə qidalanan ana arıdır. Çünki  adi arılar orta hesabla 45-50 gün yaşayarkən, ana arılar 5 il yaşayır.

Arı südünün istehsalı çox zəhmət tələb edir. Süd bir həftəlik gənc arılar tərəfindən istehsal olunur. Arı südünü arılar çənələrindəki vəzilər vasitəsi ilə ifraz edirlər. Bu süd xərçəng xəstəliyi ilə mübarizədə bütün dünyada geniş olaraq istifadə edilir.

Aztibb.az-ın xəbərinə görə, arı südü mikrobları məhv etdiyi kimi onların əmələ gəlməsinə də mane olur. Sonsuzluq problemi zamanı istifadə olunur. Damar tıxanıqlığını aradan qaldıraraq qan axınını yaxşılaşdırır. Şəkər xəstələrinə arı südü verildikdən sonra bu xəstələrdə yaxşılaşma müşahidə olunur.

Arı südü astma, bronxit və nəfəs darlığı çəkən xəstələr üçün də müalicəvidir və ağciyəri təmizləyərək bəlğəmi azaldır. Bundan başqa, uşaqların zehni və fiziki inkişafını sürətləndirərək əzələ və sümük inkişafını dəstəkləyir.

Arı südü su, bəhməz və ya süddə həll edilərək istifadə edilə bilər. Ən məşhur olanı balla qarışdırılandır. Bal, həm bir az turş olan arı südünün daha rahat alınmasına kömək olur, həm də qoruyucu xüsusiyyəti ilə arı südünün xarab olmasının qarşısını alır.