Hepatit B insana hansı yollarla yoluxur? - Xəstəliyin klinik ƏLAMƏTLƏRİ
27.04.2021 14:06
Hepatit B qaraciyərdə iltihablaşmaya səbəb olan DNT tərkibli hepatit B virusunun (HBV) səbəb olduğu yoluxucu bir xəstəlikdir. Hepatit B virusunun inkubasiya müddəti 30-180 gündür.
Aztibb.az xəbər verir ki, bu barədə Azərbaycan Tibb Universitetinin Tədris Terapevtik Klinikasının həkim-infeksionisti Aygül Əliyeva məlumat verib. Bildirib ki, parenteral, cinsi, perinatal, horizontal kimi yoluxma yolları olan hepatit B-nin bu yoluxma yollarına əsasən risk qrupları müəyyənləşdirilib.
"Bu risk qrupları tez-tez qan köçürülən şəxslər, hemodializ xəstələri, tibb işçiləri, narkotik maddə istifadəçiləri, HBV daşıyan ananın uşaqları, döymə, piercing və akapunktur etdirənlər, çoxsaylı cinsi partnyorları olan şəxslər, HbsAg pozitiv olan xəstələrin ailə üzvləri, qocalar evi, uşaq evi və cəzaçəkmə müəssisələrində yaşayanlardır", - deyə həkim vurğulayıb.
O, hepatit B xəstəliyinin klinik əlamətlərindən bəhs edib:
"Halsızlıq, yorğunluq, iştahasızlıq, gözdə və dəridə saralma, çəki itkisi, sağ qabırğaaltı nahiyədə ağrı, qaşınma, tünd rəngli sidik ifrazı və açıq nəcis, qarında şişkinlik və ayaqlarda ödəm. Risk qrupunda olan şəxslərdə vaxtaşırı olaraq HbsAg, Anti HBs və AntiHBc-İgG anticisimlərinə baxılmalıdır".
HbsAg (+) olan şəxsdə aşağıdakı müayinələr olunmalıdır:
- Qaraciyər zədələnməsini göstərən laborator müayinələr: Qanın ümumi analizi, ALT, AST, ALP, GGT, ümumi bilirubin, birləşmiş bilirubin, ümumi zülal, albumin, protrombin vaxtı, AFP;
- HBV replikasyasını və kəskin-xroniki mərhələni müəyyənləşdirmək üçün seroloji və molekulyar testlər: Anti HBc-IgM, HbeAg, Anti-Hbe, HBV DNT;
- Ko-infeksiyalar üçün Anti-HDV, Anti-HCV, Anti-HİV baxılmalı və qarın boşluğu orqanlarının USM-i olunmalıdır.
Onun sözlərinə görə, HBV infeksiyası iki qrupa - kəskin və xroniki infeksiyaya bölünür.
- Kəskin hepatit B infeksiyası simptomatik, asimptomatik və nadir hallarda fulminant hepatitə səbəb ola bilər. Kəskin infeksiyanın müalicəsi dəstək terapiya ilə aparılır. İNR>1.5 və ya PT göstəricisi 4sn və daha uzun olan ciddi kəskin HBV xəstələrə isə antiviral müalicə başlanmalıdır;
- Fulminant B hepatiti sarılıq və koagulopatiya ilə birlikdə qaraciyər funksiyalarının sürətli pozulması və hepatik ensefalopatiya ilə nəticələnən klinik mənzərədir. Qaraciyər transplantasiyası mümkün olmayan hallarda ölüm faizi yüksəkdir.
Həkim əlavə edib ki, inaktiv hepatit B xəstələrində də aktivləşmə ola bilər. İlk il 3 ay fasilələrlə ALT yoxlanılmalıdır. Normal olarsa 6-12 aydan bir ALT və HBV DNT baxılmalıdır. Yüksək risk qrupunda olan şəxslər 6 ayda bir AFP və USM, aşağı risk qrupunda olanların isə ildə bir dəfə yoxlanması məsləhətdir. Xəstədə siroz və ağırlaşmalar yoxdursa müalicəsiz izlənilməlidir.
Xroniki hepatit B zamanı isə HBV DNT>2000İUml və Fibroz>2 olan xəstələrdə antiviral müalicə başlanmalıdır. Xroniki HBV infeksiyası zamanı vaxtında və düzgün müalicə seçimi ilə qaraciyər sirrozu və qaraciyər xərçəngi kimi ağırlaşmaların qarşısını almaq mümkündür.
Bu bölməyə aid digər xəbərlər
Dəmir çatışmazlığı ilə bağlı yaranan anemiya xəstəliyinin təbii yollarla müalicəsi
25.04.2024 | 09:51
İnsan orqanizmi üçün siqaretçəkmənin zərəri havanın çirklənməsindən daha çoxdur
21.04.2024 | 14:41
Autizmdən əziyyət çəkən uşaqlar üçün təmənnasız müayinə və müalicə prosedurları həyata keçirilir - AKSİYA
19.04.2024 | 10:14
Psixiatr: "Kəllə beyin travması, neyroinfeksiyalar Parkinson əlamətlərinin yaranmasına gətirib çıxara bilər"
11.04.2024 | 14:16
Dişləri sıxmaq nəyə səbəb olur?
09.04.2024 | 16:26
Dünyada təxminən 5000-7000 uşaqdan biri anus atreziyası ilə doğulur
08.04.2024 | 16:28
Vitamin D defisiti necə yaranır?
05.04.2024 | 09:32
Böyük Britaniyada öskürəksiz təhlükəli vərəm ştamı qeydə alınıb
01.04.2024 | 10:55
Aşağı nəbz təhlükəlidirmi?
31.03.2024 | 12:30
Uşaqlarda döş qəfəsinin deformasiyasının səbəbləri
26.03.2024 | 13:00
ÇOX OXUNANLAR
Gənc həkim Samux Rayon Mərkəzi Xəstəxanasında işə başlayıb
18.04.2024 | 13:04
Autizmdən əziyyət çəkən uşaqlar üçün təmənnasız müayinə və müalicə prosedurları həyata keçirilir - AKSİYA
19.04.2024 | 10:14
Kardioloq Fikrət Sadıqzadə ürək çatışmazlığından vəfat edib
22.04.2024 | 09:45
Gözlərə nur bəxş edən fədakar həkim
19.04.2024 | 10:29
Dünya liderlərini bir araya gətirən "UNITED MEDICAL TOURISM EXPO" sərgisi yaxınlaşır
18.04.2024 | 19:50
TƏBİB Daxili nəzarət və monitorinq departamentinin Monitorinq şöbəsinə işçi axtarır
18.04.2024 | 11:23
Həddindən artıq su qəbulu beyin şişməsinə səbəb ola bilər
23.04.2024 | 07:58
Anestezioloq-reanimatoloq Sevda Hüseynova- “Həkimlərimizi tanıyaq!” rubrikası
18.04.2024 | 17:11
Təcili tibbi yardım briqadasının vaxtında yardımı nəticəsində xəstə boğulma vəziyyətindən çıxarılıb
18.04.2024 | 12:33
Moskva Dövlət Beynəlxalq Əlaqələr Universiteti tələbə qəbulu elan edir
18.04.2024 | 12:21
İsmayıl Əfəndiyev “İnkişaf etməkdə olan ölkələrin XII Toksikologiya Konqresi”ndə iştirak edir
18.04.2024 | 10:40
Şizofreniyanın müalicəsində yeni imkanlar araşdırılıb
18.04.2024 | 14:20
TƏBİB Cavanşir Məmmədovun ölümü ilə bağlı məlumat yayıb
20.04.2024 | 14:53
Həyata keçirdiyi hər bir proseduru dəqiqliyi ilə yoxlayan həkim - Nuranə Abbasova
23.04.2024 | 10:12
Nahidə Mahmudova Dövlət Gömrük Komitəsi Tibbi Xidmət İdarəsinin Mərkəzi Hospitalının rəis müavini təyin olunub
24.04.2024 | 11:11