Apteklərdə satılan yemişan cövhəri sovet dövründən insanların ürək dərmanı kimi tanıdığı dərman bitkisidir. Yemişan ürək, qan-damar sistemi üçün olduqca faydalıdır.

Aztibb.az xəbər verir ki, onun toxumlarında amiqdalin adlı maddə olduğundan yemişanın ancaq meyvələrindən istifadə edilir.

Yemişanda antioksidantlar, polifenollar, flavonoidlər, antosianidlər var.

Tədqiqatlar göstərib ki, meyvələrindən çay, cövhər, dəmləmə 6-8 həftəlik istifadədən sonra müsbət təsirini göstərir.

Qədim Çin, Avropa, Amerikada loğman və həkimlər onunla ürək çatışmazlığı və aterosklerozu müalicə edirdilər.

Alimlər yemişanın ürək-damar sisteminə 4 təsirini göstərir:

- antioksidant;

- iltihab əleyhinə;

- damarların qorunması;

- lipidlərin səviyyəsinin azalması.

Müşahidələr göstərib ki, yemişan qəbul edən insanlarda təngnəfəslik, ürəkdöyünmə, yorğunluq, ürək problemləri azalır.

Yemişan qanda oksid azotun səviyyəsini artırır, qan təzyiqini aşağı salır. Onun digər ürək-damar dərmanları ilə yanaşı qəbul edilməsinin yan təsirlərinə rast gəlinməyib.

Bu bitki qədimdən həzm, mədə-bağırsaq problemləri, qəbizliyə qarşı vasitə olub. O, liflidir, prebotik kimi təsir edir.

Yemişan ekstaktı bu problemlərdə də effektivdir:

- qidanı həzm sistemindən tez keçirir;
- Mədəni qoruyur;
- Qaraciyərin piylənməsinin qarşısını alır;
- Qəbizliyi aradan qaldırır.

Tərkibindəki polifenollar sayəsində dərinin struktur və funksiyasına da təsir edir. O, dərini ultrabənövşəyi şüaların təsirindən, kollagenin itirilməsindən, qocalmaqdan qoruyur.

Yemişanla müalicə dərinin epidermisini yaxşılaşdırır.