Şulman xəstəliyi dərin fassiyaların, əzələlərin, dərialtı toxumanın, dərinin zədələnməsi ilə xarakterizə olunan, eozinofiliya və hiperqammaqlobulinemiya fonunda gedən birləşdirici toxumanın diffuz xəstəliyidir.

Aztibb.az N.Tusi adına Klinikaya istinadla xəbər verir ki, şulman xəstəliyinin kliniki mənzərəsi üçün “apelsin dərisi” tipli dəri qalınlaşması, ətrafların distal nahiyələrinin ödemi, poliartralgiya, oynaqların bükülmüş kontrakturaları, mialgiyalar xarakterikdir.

Xəstəliyin diaqnostikası kliniki simptomlar, laborator göstəricilər (hipereozinofiliya, hiperqammaqlobulinemiya), dəri və əzələ biopsiyasının nəticələrinə əsaslanır.

Şulman xəstəliyinin müalicəsi kortikosteroidlər, qeyri-steroid iltihabəleyhinə preparatlar, sitostatiklərin təyini, ekstrakorporal hemokorreksiyadan ibarətdir.