Böyrək çatışmazlığının başlanğıc mərhələdə olduğu vəya dializ müalicəsi alan pasientlər üçün böyrək nəqli (transplantasiyası) son dərəcə vacibdir. Hazırda böyrək nəqli müvəffəqiyyətlə aparılır və böyrək çatışmazlığı olan pasientin uzun və sağlam yaşamasını təmin edən müalicə üsuludur.

 

Aztibb.az xəbər verir ki, bu fikirləri nefroloq Barat Yusubov sosial şəbəkədə bildirib. O, qeyd edib ki, xəstələr arasında "mən böyrək nəqli üçün uyğun olmaya bilərəm" kimi səhv bir düşüncəyə rast gəlinir.

 

Həkimin sözlərinə görə, pasientdə kardioloji əməliyyata dözə bilməyəcək qədər ciddi ürək-damar problemi və ya xərçəng xəstəliyi yoxdursa o, böyrək nəqlinə uyğundur. Həmçinin tuberkulyoz və hepatit kimi infeksiyon xəstəlikləri olan pasientlərin mikrobik durumu aktiv deyilsə, böyrək nəqli ola bilərlər.

 

"Sizə böyrək vermək istəyən bir qohumunuz varsa, canlı böyrək nəqli, yoxdursa donor nəqli ilə əməliyyat olma şansını nəzərdən keçirin", - deyə B.Yusubov bildirib.