Aztibb.az xəbər verir ki, həkim-reanimatoloq Şahin Məmmədov sosial şəbəkədə oruc tutanlar üçün vacib tövsiyələr verib.

 

O, deyib ki, bəzən həm də arıqlamaq istəyənlər daha güclü kalori defisiti yaratmaq üçün imsakda heç bir qida qəbul etmirlər. Ya imsak üçün yuxudan dura bilmirlər, bir də iftarda yemək yeyirlər. Bu, qəti yol verilməzdir, sağlamlıq üçün təhlükəlidir:

 

"Acqalma müddəti bu zaman çox uzanmış olur, insanın immuniteti düşür, infeksion xəstəliklər və hətta xərçəng riski artır. Çünki immun hüceyrələri enerjisiz qalarsa, öz funksiyalarını yerinə yetirə bilmirlər. İmsakda qida qəbul etmədən oruc tutduqda bədən güclü stresə məruz qalır, insan fövqəladə hal rejiminə keçir. Baş beyini qlükoza ilə təmin etmək, bədənin digər hüceyrələrinə qlükoza girişini dayandırmaq məqsədilə insulinə qarşı davamlılıq yaranır. Bu isə, şəkərli diabet riskini artırır. Ona görə imsakda normal qidalanmaq vacib şərtdir".