İcbari tibbi sığortanın Xidmətlər Zərfi çərçivəsində ağciyər ödeminin müayinə və müalicəsi vətəndaşlara ödənişsiz təqdim edilir.

Aztibb.az xəbər verir ki, Xidmətlər Zərfi icbari tibbi sığortanın maliyyə mənbələri hesabına sığortaolunanlara müvafiq növdə və şərtlərlə göstərilən tibbi xidmətlərin toplusudur.

İcbari tibbi sığorta çərçivəsində vətəndaşlar aşağıdakı xidmətləri əldə edə bilərlər:

• Təcili və təxirəsalınmaz tibbi yardım;
• İlkin səhiyyə xidməti;
• Ambulator xidmət;
• Stasionar xidmət;
• Funksional-diaqnostik və laborator müayinələr;
• Fizioterapevtik xidmətlər;
• Cərrahi əməliyyatlar ( o cümlədən həyati vacib-dəyəri yüksək əməliyyatlar) ;

Xidmətlər Zərfinə daxil olan tibbi xidmətlər və tariflər Azərbaycan Respublikası Nazirlər Kabinetinin 2020-ci il 10 yanvar tarixli 5 nömrəli Qərarı ilə təsdiq edilmişdir. İcbari tibbi sığortanın Xidmətlər Zərfinə daxil olan tibbi xidmətlərin sayı 2550-dir.

Xidmətlər Zərfinə daxil olan tibbi xidmətlərin siyahısı və tarifləri ilə buradan tanış ola bilərsiniz.