Aztibb.az xəbər verir ki, tanınmış həkim-pediatr Günay Rəsulova sosial şəbəkədə bu suala aydınlıq gətirib. 

 

Həkimin sözlərinə görə, uşaqlardan COVID-19 analizi götürüləndən sonra nəticənin pozitiv və ya neqativ olması xəstəliyə və onun müalicəsinə yanaşmada heç bir dəyişikliyə səbəb yaratmır. Qızdırması yüksələn uşaqlara bu testin edilməsi sırf epidemioloji nöqteyi-nəzərdən, yəni uşaqda koronavirus testi müsbət çıxıbsa, onu digər şəxslərdən - nənə-babadan və s. izolyasiya etmək üçün lazım ola bilər.

 

"Onsuz da izolyasiya edilən, bağça və ya məktəbə getməyən və qızdırması olan uşağa bu test edilməyə də bilər", - deyə həkim əlavə edib.