Yerkökü müxtəlif xəstəliklər zamanı çox faydalıdır. Bunlara misal olaraq qanazlığını, bronxiti, bir sıra dəri problemlərini, ürək-damar xəstəliklərini, yara sağalmasını göstərmək olar.

Aztibb.az xəbər ki, yerkökü ən çox da gözlər üçün xeyirli hesab olunur. A vitamini catışmazlığı zamanı görmə pozuntuları yaranır, bu zaman hava qaralarkən və gecə vaxtı görmə qabiliyyəti zəifləyir. Nəticədə, bu problem "toyuq korluğu" adlanır. Lakin bütün karotin sovrulmur. Vitaminin sintezi qaraciyərin və ödün normal funksiyası zamanı bərpa olunur.

Yerkökünün antispetik, bəlğəmgətirici, ödqovucu, iltihab eleyhinə olan təsiri vardır. O, həmçinin mədə-bağırsaq traktı vəzilərinin fəaliyyətini artırır. Yerkökünün şirəsi və ya digər şirələrlə qarışımı yorğunluğu aradan qaldırır, iştahanı artırır, dərinin rəngini və görmə qabilliyyətini yaxşılaşdırır, bədəndə antibiotiklərin toksik təsirini azaldır, saç və dırnaqları möhkəmləndirir, xəstəliklərə müqavimət göstərməyə kömək olur. Lakin nəzərə almaq da lazımdır ki, böyük miqdarda şirə qəbul etmək yuxu, baş ağrı, qusma və digər xoşagəlməz hallar yaradır.