Bəzən ehtiyatsiz hərəkət etdikdə ətrafdakı oynaqların zədələnməsi- burxulma baş verə bilər. Bu zaman oynağın ətrafı şişir, bağlar zədələnir, şiddətli ağrılar olur, hətta qansızma baş verə bilər.

 

Bu haqda maarifləndirici məlumat Salyan rayon Mərkəzi Xəstəxanasının "Facebook" səhifəsində qeyd olunub.

 

Məlumatda bildirilir ki, ayağı burxulan şəxsə ilk yardim göstərmək üçün zədələnmiş yerə buz və ya dəsmalı soyuq suda isladib qoymaq lazımdır. Bağlar güclü zədələnibsə oynağı bərk sarıyıb hərəkətsizliyi təmin etmək zəruridir. Zədələnmiş ətrafı dartmaq, qizdırmaq olmaz.

 

Yöndəmsiz hərəkət zamanı oynaq baş oynaq çuxurundan çıxa bilər. Bu zaman yardım kimi oynağa tam sakitlik vermək lazımdır. Bunun üçün qolu bintin köməyi ilə boyundan asmaq , qıça isə şina qoymaq lazimdir. Ağrını azaltmaq üçün zədələnmiş oynağa soyuq su və ya buz qoymaq lazımdır.