Qərb alimləri tərəfindən aparılan araşdırmada şəkərin uşaqların yaddaşına mənfi təsirləri haqqında bəzi faktlar aşkara çıxıb. Mütəxəssislər laboratoriya siçanları üzərində təcrübə apararaq bu nəticəyə gəliblər. Heyvanlar iki qrupa ayrılıb. Onlardan birinə mütəmadi olaraq şirin içki verilib. Daha sonra beyinin yaddaşa məsul olan hissəsində hipokampus funksiyasının pozulması diaqnozu qoyulub.
Aztibb.az xarici KİV-ə istinadən bildirir ki, buna bağırsaqdakı parabakteroid bakteriyalarının sayının artması təsir edib. Onları şəkər istehlak etməyən siçanların bədəninə daxil etdikdən sonra, onlarda da yaddaş pozulması göstəriciləri əmələ gəlib.
Alimlər gələcəkdə bağırsaqdan beyinə siqnal işləyən yolların daha yaxşı müəyyənləşdirilməsi üçün araşdırmalara davam etmək niyyətindədirlər.
Qeyd edək ki, bundan əvvəl ABŞ-ın Bioloji Araşdırmalar İnstitutunun alimləri, insan beyninin sinir hüceyrələrində, onları qocalma və zədələnmədən qoruyan mexanizmlərin mövcud olduğunu tapıblar. Onlar bu yolla DNT kopyalamasında çatışmazlığı kompensasiya edir və bununla da ən uzun ömürlü hüceyrələr hesab edilirlər.