Almaniya-Azərbaycan Radioloji və Neyroradioloji Cəmiyyətinin sədri, Köln Universiteti Klinikasının şöbə müdiri, tibb elmləri doktoru Nuran Abdullayevin insult xəstələrində icra olunan əməliyyatların tətbiqindəki yeniliklə bağlı tədqiqatı Avstraliyanın Neyrocərrahlar və Yeni Zelandiyanın Neyropatologiya Cəmiyyətlərinin rəsmi jurnalı tərəfindən nəşrə qəbul edilib.

Aztibb.az xəbər verir ki, böyük elmi-praktik perspektivə malik olan bu elmi iş hələ 2019-cu ildə Almaniya Neyroradiologiya Cəmiyyəti tərəfindən yüksək qiymətləndirilib. N.Abullayev, həmçinin bu işə görə xüsusi təqaüdə layiq görülüb.

Bu tədqiqatla sübut edilir ki, beyin insultları zamanı çox nadir rast gəlinən və ümumi işemik insultların toplam olaraq 10%-ni təşkil edən xüsusi qrup xəstələrə tədqiqatda qeyd olunan yeni üsulla neyroradioloji müdaxilə edilərsə, onlarda klinik nəticənin ciddi şəkildə yaxşılaşması müşahidə edilir.