Azərbaycan Milli Elmlər Akademiyasının Botanika İnstitutunun Etnobotanika laboratoriyasının müdiri, biologiya elmləri doktoru, professor Səyyarə İbadullayevanın antiviral dərman bitkilərinin etnik istifadəsindən bəhs edən məqaləsi Almaniyanın nüfuzlu "Journal of Medicine and Biology"  elmi nəşrində dərc olunub.

Məqalə ilə bu link vasitəsilə tanış ola bilərsiniz.

Qeyd edək ki, ölkəmizin tanınmış bioloqlarından biri olan S.İbadullayeva ilk dəfə olaraq nəsli kəsilməkdə olan 70-dən çox bitki növünün mühafizəsi üzrə tədbirlər kompleksi işləyib hazırlayıb. Alim 260-dan çox elmi əsər, o cümlədən 14 kitabın müəllifidir. Onun rəhbərliyi altında 3 elmlər doktoru, 10 fəlsəfə doktoru dissertasiyası müdafiə edilib.