Aztibb.az xəbər verir ki, həkim-reanimatoloq Şahin Məmmədov sosial şəbəkədə bu barədə məlumat verib.

 

Həkimin sözlərinə görə, koronavirus infeksiyası onsuz da özü trombositləri aşağı salır. Qanın ümumi analizində də bir çox COVID-19 xəstəsində bunu görmək mümkündür. Aspirin trombositlərə qarşıdır. Trombositin ömrü 1 həftədir. Belə olan halda, aspirin təyin etmək heç bir işə yaramayacaq:

 

"Elə trombozlar var ki, məsələn, işemik insult, miokard infarktı və s. Bu halda aspirin ən vacib dərmandır.

 

COVID-19 koaqulopatiyasında isə trombositin heç bir "günahı" yoxdur. Onu "blok etmək"lə antikoaqulyantların (kleksanın, heparinin) qanaxma yaratması ehtimalı artır. Koronavirus xəstəsində mədə-bağırsaq sisteminə, beyinə və ağciyərə qanaxma yaranır, xəstə daha da ağırlaşır.

 

Aspirinlə yanaşı, oral antikoaqulyantlar da protokollarda yoxdur. COVID-19 koaqulopatiyasında trombotik fəsadların qarşısının alınması üçün yalnız kleksan, ya heparinin digər xırdamolekullu üzvü, ya da heparin özü istifadə edilməlidir".