İnfeksion xəstəliyə yoluxmuş insanların qida rasionunda nələrə diqqət yetirilməlidir?
16.04.2021 11:59

Kəskin infeksion xəstəliklərə yoluxmuş insanların orqanizminin viruslara qarşı müqavimətini qaldırmaq və immuniteti daha da artırmaq üçün xüsusi pəhrizə riayət olunmalıdır. Bu pəhriz xəstənin daha tez sağalmasına və əvvəlki həyatına qayıtmasına dəstək olacaq.

 

Aztibb.az xəbər verir ki, pəhrizə enerji artıracaq qidalar - karbohidratlar, zülallı və vitaminli qida məhsulları daxildir. Həzm sistemini pozmamaq və qəbizliyə yol verməmək şərtilə bütün isti qidalar rasiona əlavə olunmaldır. Bundan əlavə, orqanizmdəki intoksikasiyanı azaldan, antimikrob təsirə malik bitki çayları bu pəhrizin əsas qidasını təşkil edir.

 

Kəskin infeksion xəstəliyə tutulmuş insanın rasionunda yağlı bulyonlar, təzə ağ çörək və soyuq içkilərə yol vermək olmaz.

 

Belə xəstələrin qidasını aşağıdakılar təşkil eləməlidir:


- buğda çörəyi, suxari;
- bütün növ çox da yağlı olmayan suplar;
- ətli püre;
- parda bişən mal əti;
- quzu, çolpa əti;
- kəsmik, qatıq, süd məhsulları;
- meyvə və tərəvəzlər;
- kürü, balıq məhsulları;
- limonlu çay, itburnu dəmləməsi, südlü kofe, meyvə şirələri.