Bu pəhriz vərəm xəstələri üçün nəzərdə tutulub. Pəhrizin məqsədi həzm prosesini yaxşılaşdırmaqla infeksiyadan zərər görmüş orqanizmin immunitetini və müqavimətini artırmaqdan ibarətdir.

Aztibb.az xəbər verir ki, bu dietaya kalorili, bol vitaminli, zülallarla zəngin, südlü, karbohidratlı qida məhsulları daxildir. Vərəmli xəstələr gün ərzində 5 dəfə yemək yeməli və yeməyin tərkibində olan yağın miqdarını az-az artırmalıdırlar. Rasionda xüsusi qidalar yoxdur. Belə xəstələr istədikləri hər şeyi yeyə bilər, yanlız soyuq içki və soyuducu temperaturunda olan qidaları qəbul etmək olmaz.

Vərəm xəstələri uzun müddət həkim nəzarəti altında olmalıdırlar. Belə xəstələrin qaraciyərində problemlər yoxdursa, onlar istədiklərini yeyə bilərlər.

Vərəm xəstələrinin qida rasionunu aşağıdakılar təşkil edir:

- müxtəlif növ un məmulatları, peçenyelər;
- şirniyyatlar, pirojnalar;
- istənilən şorba;
- müxtəlif növ ət və ət məhsulları;
- süd məhsulları;
- müxtəlif formada bişirilən yumurta;
- qarabaşaq, perlova, düyü, yarma;
- makaron məhsulları;
- bütün növ meyvə və tərəvəzlər;
- müxtəlif qəlyanaltılar;
- bal, mürəbbə, bəhməz;
- meyvə şirələri, itburnu və buğda kəpəyi dəmləməsi.

Vərəm xəstəliyi sağalması mümkün olan, lakin ağır bir xəstəlikdir. Bu xəstəlik müxtəlif orqanlarla bərabər qaraciyərə də öz mənfi təsirini göstərir. Ona görə də qaraciyər öz fəaliyyətini tam bərpa edənə qədər həddən artıq yağlı qidalardan uzaq durmaq və həkim nəzarətində olmaq lazımdır.