Mərkəzi Gömrük Hospitalının Alqı-satqı və təchizat şöbəsinin rəisi, gömrük xidməti mayoru, əczaçılıq üzrə fəlsəfə doktoru Fərid Əliyev yeni təyinat alıb. O, Azərbaycan Qida Təhlükəsizliyi İnstitutunun Analitik Ekspertiza Mərkəzinə müdir təyin edilib.

Aztibb.az xəbər verir ki, F.Əliyev 2002-ci ildə Azərbaycan Tibb Universitetinin əczaçılıq fakültəsini bitirib, 2004-2018-ci illərdə müxtəlif dövlət və özəl tibb müəssisələrində çalışıb. 2018-cı ildən Dövlət Gömrük Komitəsi Tibbi Xidmət İdarəsinin Mərkəzi Gömrük Hospitalında menecer, sonra isə Alqı-satqı və təchizat şöbəsinin rəisi işləyib.

Mərkəzi Gömrük Hospitalının pandemiya xəstəxanası kimi fəaliyyət göstərdiyi gərgin günlərdə F.Əliyevin rəhbərliyi ilə Alqı-satqı və təchizat şöbəsinin kollektivi də intensiv iş rejimində çalışıb.