Yaşıl yarpaqlı tərəvəzlər ən sağlam qidalar arasındadır.

Aztibb.az xəbər verir ki, bunun bir çox səbəbləri var. Son zamanlar onların faydası barədə tədqiqatlara daha çox rast gəlinir. 

Bu yaxınlarda Edit Kovan Universitetinin alimləri yaşıl yarpaqlı qidaların əzələlərə faydalı olduğunu kəşf ediblər. Araşdırmalar hər iki cinsdən olan (orta yaş 48) 3500-dən çox Avstraliya sakini üzərində aparılıb. Mütəxəssislər 12 il ərzində könüllülərə 2 dəfə pəhriz və fiziki aktivlik barədə tapşırıq verib və müşahidə müddətinin sonunda onların əzələlərinin gücü ilə bağlı sınaq keçirib.

Məlum olub ki, fiziki fəaliyyət səviyyəsindən asılı olmayaraq, nitratların (ispanaq, kələm, İsveçrə qarğıdalısı, çuğundur, kahı növlərində olan azot turşusu duzları) müntəzəm qəbulu daha güclü ayaq əzələləri və gəzinti sürəti olan insanlarda ən yüksək səviyyədə olub.

Alimlərin fikrincə, nitratlar qan damarlarını genişləndirə bilər. Bu isə əzələlərin qan tədarükünü yaxşılaşdırır.

Digər bir araşdırma yaşıl yarpaqlı tərəvəzlərin qaraciyər üçün son dərəcə faydalı olduğunu aşkara çıxarıb. Karolinska İnstitutunun mütəxəssisləri bildirir ki, pəhrizdə bir çox yaşıl yarpaqlı tərəvəzin olması qaraciyər piylənməsi xəstəliyinin inkişaf riskini azaldır.