Azərbaycan Tibb Universitetinin (ATU) Patoloji anatomiya kafedrasının müdiri, Səhiyyə Nazirliyinin “Məhkəmə-Tibbi Ekspertiza və Patoloji Anatomiya” Birliyinin baş direktoru, professor Ədalət Həsənov Türk Dünyası Araşdırmaları Beynəlxalq Elmlər Akademiyasının həqiqi üzvü seçilib.

 

Aztibb.az xəbər verir ki, professor Ə.Həsənov akademiyanın “Beynəlxalq qızıl ulduz” medalı ilə də təltif olunub.

 

Türk Dünyası Araşdırmaları Beynəlxalq Elmlər Akademiyasının Azərbaycan təmsilçisi, professor Elçin İsgəndərzadə akademiyaya üzvlük diplomunu və qızıl medalı alimə təqdim edib. 

 

Bundan başqa, ATU-nun Ümumi gigiyena və ekologiya kafedrasının müdiri, professor Mirzə Kazımov da “Türk dünyasının elminə və təhsilinə mühüm xidmətlərinə görə” bu qurumun həqiqi üzvü seçilib.

 

O, Akademiyanın 23 fevral 2021-ci il tarixli qərarı ilə qurumun “Beynəlxalq qızıl ulduz” medalı ilə təltif edilib.