Diyetoloq Yelena Kalen ofis işçilərinin oturaq həyat tərzinə baxmayaraq özlərini formada saxlamağa kömək edəcək faydalı yeməklərin adlarını açıqlayıb.

Aztibb.az ria.ru-ya istinadla xəbər verir ki, diyetoloqun sözlərinə görə, menyuda yaşıl tərəvəzlərdən hazırlanmış salatın olması əsas şərtdir. Bu salat Pekin kələmi, yaşıl soğan, şüyüd, həmçinin pendirdən də ibarət ola bilər. Sadalanan məhsullar sellüloz, dəmir və antioksidantlarla zəngin olmaqla həzm sisteminin işinə müsbət təsir edir və maddələr mübadiləsini sürətləndirir.

Həmçinin ofis işçilərinə hind quşundan hazırlanmış buxarda bişmiş kotletlər tövsiyə edilir. 500 qram ətə soğan, cəfəri və ya istiot əlavə etmək olar.

"Toyuqdan fərqli olaraq, hind quşunda daha çox zülal və daha az yağ mövcuddur. O, kifayət qədər uzun müddət insanı tox saxlaya bilər", - deyə diyetoloq bildirib.

Bişirilmiş toyuq əti, avokado, təbii yoqurt və göyərti yarpaqları ilə və tam buğda çörəyindən hazırlanmış sendviçlərdən də istifadə oluna bilər.

Bununla yanaşı, tam yulaf lopaları, banan və təbii yoqurtdan ibarət smuzi bağırsaqların mikroflorasını bərpa edəcək.