Tokyo Metropolitan Universitetinin tədqiqatçıları əzələ bərpası üçün əsas element hesab edilən skelet əzələ peyk hüceyrələrinin aşağı qlükoza mühitində daha yaxşı çoxaldığını göstərib.

Aztibb.az “Eurek Alert” nəşrinə istinadən xəbər verir ki,  peyk hüceyrələri əzələ liflərində tapılan xüsusi bir kök hüceyrəsidir. Əzələ hüceyrələri zədələndikdə, peyk hüceyrələri aktivləşir, çoxalma prosesində iştirak edir. Nəticədə əzələ hüceyrələrinə inteqrasiya olunuraraq zədələri düzəldir və əzələ kütləsini saxlayır.

Bədən hüceyrələrinin şəkəri enerji mənbəyi kimi istifadə etdiyi hesab edilir. Lakin peyk hüceyrələri ilə hər şeyin fərqli olduğu ortaya çıxıb. “Petri qabı”ndakı hüceyrə kulturaları ilə aparılan təcrübələr çox qlükoza səviyyəsinin bu hüceyrələrin böyümə sürətinə mənfi təsir göstərdiyini sübut edib. Daha az qlükoza tərkibli bir mühit isə hüceyrələrin çoxalmasına səbəb olub.

Alimlər qrupu ayrıca qlükoza səviyyələrini daha da aşağı salmaq üçün hüceyrələrə qlükozanı həzm edən bir ferment kimi qlükoza oksidazı əlavə ediblər. Peyk hüceyrələri belə bir mühitdə də normal olaraq çoxalıb. Deməli, bu, bu kök hüceyrələrin enerjini şəkərdən deyil, tamamilə fərqli bir mənbədən alması deməkdir. Bu fakt, həm də yüksək şəkər səviyyəsinə sahib diabet xəstələrinin əzələ itkisi ilə üzləşə biləcəyini sübut edir.