Alimlərin tədqiqatına görə, şirin içkiləri həddindən çox qəbul edən uşaqlar böyük yaşda yaddaşla bağlı problemlərin yüksək riski ilə rastlaşa bilərlər. ABŞ tədqiqatçıları sınağın gedişatında siçovullara tərkibində şəkər olan içkilər veriblər, onlar böyüdükdə isə yaddaşla bağlı iki test keçirilib və nəticələr müqayisə edilib.
Aztibb.az-ın medlinks.ru-ya istinadən məlumatına görə, müəyyən olunub ki, şirin və qazlı içkilər qəbul edən gəmiricilərdə beyinin yaddaş funksiyasında böyük rol oynayan sahələrində - hippokampda pozulmalar olub və bu, yaddaşla problemlərinə səbəb olub.
Tədqiqatçılar hesab edirlər ki, belə içkilər insanın bağırsaqlarının mikroflorasını dəyişdirir, bu isə öz növbəsində, hippokampda onun fəaliyyətini pozan genlərdə dəyişikliklərə səbəb olur.
"Erkən yaşda şəkərin istehlakı seçmə hippokampda öyrənmə və yaddaşın funksiyasını pozur", - tədqiqatın aparıcı müəllifi, Corciya Universitetinin elmlər doktoru Emil Noubl bildirib.
Həmçinin siçovulların bağırsaq mikroflorasının analizi göstərib ki, şəkərli içkilərin istehlakı çox zərərli təsirə malikdir. Şəkərli içkilər içən siçovulların əksəriyyətində bağırsaq bakteriyalarının iki konkret növü müşahidə olunub: Parabacteroides distasonis və Parabacteroides johnsonii. Bu bakteriyalar şirin içkilər heç vaxt istifadə etməmiş siçovullara əlavə edildikdə isə məlum olub ki, onlarda da yaddaşla bağlı problemlər inkişaf edir.
Tədqiqatçıların fikrincə, bu sübut edir ki, qazlı içkilərdən koqnitiv pozuntuların yaranması bu içkilərin insanın bağırsaqlarının mikroflorasını dəyişdirməsi ilə əlaqədardır.