Qarın quruldaması bir çox təhlükəli xəstəliklərin əlaməti ola bilər.

Aztibb.az Medikforum.ru-ya istinadən xəbər verir ki, bu barədə qastroenteroloq və hepatoloq Olga Arişeva  müsahibəsində danışıb.

O, qarın boşluğunda xarakterik səslərin yaranmasının ümumi səbəblərini qeyd edib.

Onun sözlərinə görə, bəzi qidaların qəbulu mədənin quruldamasına səbəb olan əsas amillərdən biridir.

"Aclıq, yavaş həzm sistemi və ya tam həzm edə bilməmə, yüksək miqdarda pəhriz lifli bəzi qidaların qəbulu da qarın boşluğunda xarakterik səslərin yaranmasına səbəb olur.

Lakin bu səslər mədədə gizli bir xəstəliyin olmasına da işarə edə bilər".

Arişeva izah edib ki, mədədə yaranan səslər ayrılıqda orqanizm üçün təhlükəli deyil.

"Lakin səslərlə yanaşı, digər simptomlar - məsələn, kilo itkisi və ya ağrı sindromu hiss olunarsa, həssas yanaşılmalı, hansı şəraitdən sonra ağrıların və səslərin yarandığına fikir verməli və mütləq həkimə müraciət edilməlidir".