70-80 yaş arası insanlar üzərində aparılan yeni tədqiqata əsasən, çuğundur şirəsinin istifadəsi daha sağlam qan damarlarına malik olmağa və beyinin yaxşı fəaliyyətinə səbəb olan müəyyən bakteriyaların ağız boşluğunda artmasına imkan yaradır.

Belə ki, çuğundur, eləcə də xiyar, ispanaq, kərəviz də daxil olmaqla digər məhsullar qeyri-üzvi nitratlarla zəngindir. Ağız boşluğunun bir çox bakteriyaları isə nitratların azot oksidinə çevrilməsində mühüm rol oynayır. Bu birləşmə damarların vəziyyətini və beynin neyronları arasında məlumatların ötürülməsini nizama salmağa kömək edir. Yaşlı insanlarda, bir qayda olaraq, azot oksidinin əmələ gəlməsi aşağı düşür ki, bu da damarların vəziyyətinin və koqnitiv funksiyaların pisləşməsi ilə əlaqəlidir.

Aztibb.az meddaily.ru-ya istinadla xəbər verir ki, Eksetera Universitetinin iyirmi günü əhatə edən yeni tədqiqatında sağlam yaşlı 26 insan gündə iki dəfə çuğundur şirəsi və ya plasebo qəbul ediblər. Məlum olub ki, Prevotella-Veillonella və Clostridium difficile bakteriyalarının daha aşağı səviyyəsi kimi ayrı-ayrı bakteriyaların daha yüksək səviyyələri də damarların yaxşı vəziyətdə olması və koqnitiv statusla bağlıdır.

Alimlər qeyd ediblər ki, şirənin köməyilə mikroflorada dəyişikliyin baş verməsi üçün 10 gün lazım olub. Şirənin istifadəsi nəticəsində sistolik arterial təzyiq orta hesabla 5 millimetr civə sütununda düşüb.