Braziliya alimlərinin tədqiqatına görə, sellülozla zəngin rasion koronaviruslu pasiyentlər üçün infeksiya ilə mübarizədə olduqca faydalıdır.

Aztibb.az meddaily.ru-ya istinadla xəbər verir ki, sellülozun orqanizmə daxil olmasına cavab olaraq bağırsaqların mikroflorası tərəfindən istehsal edilən maddələr iltihabi prosesləri dayandırır və SARS-Cov-2-nin hüceyrələrə nüfuzetməsinə imkan yaradan genin ekspressiyasını aşağı salır.

Bununla belə, statistikaya əsasən, COVID-19-a yoluxmuş pasiyentlərin 50%-ə qədəri həzm sistemi ilə bağlı xoşagəlməz simptomlarla (ishal, qusma, qarında ağrılar) qarşılaşırlar. Bu simptomlar infeksiyanın ağır keçməsinin 17,6% halı üçün xarakterikdir.

Sınaq çərçivəsində alimlər yoğun bağırsağın sağlam toxumalarını və epiteli hüxeyrələrini koronavirusa yoluxdurublar. Yağ turşuları ilə emal DDX58 geninin ekspressiyasını azaltmağa imkan verib. Bu gen virusun nuklein turşularını aşkar edən və sətəlcəmə qarşı sitokinlərin hazırlanmasına gətirib çıxaran reaksiyaları aktivləşdirən zülalla əlaqəlidir. Həmçinin paralel olaraq hüceyrələrə nüfuzetmə üçün lazım olan TMPRSS2 zülalının səviyyəsi də aşağı düşüb.