Ciddi yanıqlar əlillik və ölümə səbəb ola bilər. Onların müalicəsi isə çox vəsait tələb edən mürəkkəb problem olaraq qalır. Azad İslam Universitetindən olan İran alimləri çaytikanı kremlərinin kliniki sınağını aparıblar. Əsas məqsəd ikinci dərəcəli yanıqların sağalmasını qiymətləndirmək üçün çaytikanılı və 1% gümüş sulfadiazinli (SSD) kremlərin göstəriciləri üzrə nəticələri müqayisə etmək olub.

Aztibb.az medikforum.ru-ya istinadən xəbər verir ki, tədqiqat zamanı 55 pasiyent təsadüfi olaraq iki qrupa ayrılıb. Onlar çaytikanılı kremlə və ya 1% SSD-li kremlə müalicə olunurdular. Sarğılar yaraların tam sağalmasına qədər edilib.

Nəticələr ikinci dərəcəli yanıqların sağalması üçün istifadə olunan çaytikanılı kremin 1% SSD-li kremlə müqayisədə, böyük kliniki effektivliyini nümayiş etdirib.

Alimlər bu qənaətə gəliblər ki, çaytikanılı kremdən istifadə müalicə kursunu azalda və tibbi müəssisələrdə yüklənməni azalda bilər.