Texas Universitetinin Tibb Mərkəzi müəyyən edib ki, hamilə qadınlarda düşük təhlükəsi zamanı təyin edilən hidroksiprogesteron kaproat (progesteronun sintetik analoqu) uşaq üçün təhlükəlidir. Bu vasitə 50-ci illərdə təcrübədə istifadə olunmağa başlayıb, 2020-ci ildə isə ABŞ ondan təsdiq edilməmiş effektivliyinə görə imtina etməyi təklif edib.

Aztibb.az meddaily.ru-ya istinadla xəbər verir ki, yaxın vaxtlarda preparatın təhlükəli olduğu aşkarlanıb. Daha əvvəl hormonların sintetik analoqlarının, xüsusilə estrogenin problemlər yaratdığı sübut olunmuşdu. Son tədqiqat çərçivəsində 1959-1967-ci illərdə uşaq dünyaya gətirmiş qadınların uşaqlarının sağlamlığı haqqında məlumat analizi aparılıb.

Tədqiqatda iştirak edən 181 qadın hamiləliyi zamanı hidroksiprogesteron kaproat qəbul edib. Doğulmuş 18500 uşaqdan demək olar ki, 1000 uşaqda 18-58 yaş arasında xərçəng diaqnozu qoyulub. Bütovlükdə, anaları hamiləlikdə bu vasitəni qəbul edən böyük uşaqlarda xərçəngin inkişafı riski 2 dəfə yüksək olub. Statistikaya əsasən, xərçəngin diaqnozu 65% halda 50 yaşdan daha gənc şəxslərə qoyulur.

Əksər hallarda hidroksiprogesteron kaproatın təsirinə görə qalın və düz bağırsağın (risk 5 dəfə yüksəkdir) xərçəngi, həmçinin prostat vəzisi (risk 4 dəfə yüksəkdir) xərçəngi inkişaf edir.