Bəzən hətta bir çimdik ədviyyat belə immun sisteminin möhkəmlənməsinə kömək edir. İltihabı azaldır, orqanizmi artıq toksinlərdən və şlaklardan təmizləyir. Bəzi növləri isə çəki atmağa yardımçı olur.

Aztibb.az ədviyyatın bəzi növləri və onların faydalarını təqdim edir:

Oreqano

Bu ədviyyatsız İtalyan mətbəxini təsəvvür etmək mümkün deyil. Lakin, bu ədviyyat təkrarolunmaz dada malik olması ilə yanaşı, həm də unikal müalicəvi effektə malikdir.

Faydalı xüsusiyyətləri:

- sinir sistemini sakitləşdirir;
- yüksək antibakterial xüsusiyyətə malikdir;
- mədə-bağırsaq traktının fəaliyyətini normallaşdırır;
- sidikqovucu və ödqovucu təsir göstərir;
- immuniteti möhkəmləndirir;
- güclü tərlədicidir, bəlğəmgətirici, bronxit və bronxial astmada təsir göstərir.

Hansı yeməklərdə istifadə etmək olar:

1. Yumurta qızartmasında;
2. Tərəvəzli şorbalarda;
3. Pizzalarda;
4. Salatlar üçün ədviyyat kimi;
5. Souslarda;
6. İkinci yeməklərdə;

Rozmarin

Qədim zamanlarda bu bitki bolluq, rifah və uzunömürlülük rəmzi hesab olunurdu. Hətta indi də bəzi ölkələrdə gənclərə "xoşbəxtlik və firavanlıq" üçün bu bitkinin budağından balaca bir hissə vermək ənənəsi qalmaqdadır.

Faydalı xüsusiyyətləri:
- stres və əsəb gərginliyini götürməyə yardımçı olur;
- ümumi yorğunluq zamanı orqanizmi tənzimləyir;
- soyuqdəyməni müalicə edir;
- iltihab əleyhinə, antioksidant, antidepresiv, ödqovucu kimi xassələrə malikdir;

Hansı yeməklərdə istifadə etmək olar:

1. Ət yeməklərində;
2. Balıq yeməklərində;
3. Marinadlarda;
4. Bitki çaylarında.

Kəklikotu

Çox faydalı bitkidir. Antioksidant fəaliyyətinə görə, E vitamininə bərabərdir.

Faydalı xüsusiyyətləri:

- tərqovucu, iltihab və mikrob əleyhinə təsirə malikdir;
- immuniteti möhkəmləndirir;
- iş görmə fəaliyyətini artırır;
- prostatın inkişafına mane olur;
- cinsi zəifliyi aradan qaldırır.

Hansı yeməklərdə istifadə etmək olar:

1. Salatlar;
2. Şorbalar;
3. Qovurma yeməklərində;
4. Yumurtadan hazırlanan bütün yeməklərdə;
5. Souslarda.

Sarıkök

Zəncəfilkimilər ailəsindəndir. Onun faydaları qiymətsizdir. Son məlumatlara görə, bu ədviyyat xərçəng hüceyrələrinin yaranmasının qarşısını alır.

Faydalı xüsusiyyətləri:

- orqanizmi təmizləyir;
- həzmə müsbət təsir edir;
- soyuqlamanın qarşısını alır;
- güclü antioksidantdır;
- dərinin vəziyyətini yaxşılaşdırır;
- bədənin müdafiə gücünü bərpa edir;
- arıqlama zamanı istifadə edilir.

Hansı yeməklərdə istifadə etmək olar:

1. Şorbalar;
3. Plovlar;
4. Müxtəlif düyü yeməkləri.

Adaçayı

Soyuqdəymə və boğaz ağrısının öhdəsindən gələn mükəmməl ədviyyatdır.

Faydalı xüsusiyyətləri:

- bağırsaqları təmizləyir;
- toksinləri və şlakları xaric edir;
- çəki atmaq üçün yardımçı olur;
- antioksidant təsirə malikdir;
- immuniteti möhkəmləndirir;
- öskürək və zökəm zamanı kömək edir.

Hansı yeməklərdə istifadə etmək olar:

1. Ət yeməklərində;
2. Balıq yeməklərində;
3. Souslarda;
4. Şorbalarda.