Uşaqlarda iştahsızlıq, yuxusuzluq, yaddaş problemi və davranış pozuntularının səbəblərindən biri də serotonin hormonunun aşağı səviyyədə olmasıdır.

Aztibb.az xəbər verir ki, uşağın aqressiv davranışları, qəzəbli olması, altını islatması, qarın ağrısı və mədə bulanması kimi simptomlar belə xoşbəxtlik hormonunun yetərincə olmamasından xəbər verir.

Valideynlər uşaqlarda serotonin səviyyəsinin yüksək olması üçün nə etməlidir?

Həkimlər qeyd edirlər ki, bunun üçün ilk öncə təzyiqin və şiddətin olmadığı ailə mühiti lazımdır. Çünki xoşbəxt olmayan ailə mühiti uşağın davranışına da mənfi təsir edir.

Uşağın sağlam qidalanması və yuxusu, idmanla məşğul olması, günəşlə birlikdə yetərincə aldığı D vitamini də serotonin səviyyəsinin yüksəlməsinə kömək edə bilər.

Bununla belə, serotonini bəsləyən ən güclü qida "sevgi və güvən"dir.