Mütəxəssislər yayda daha çox gilas yeməyi tövsiyə edirlər.

Aztibb.az xəbər verir ki, diyetoloqlar B qrupu vitaminləri, karotinoidlər, dəmir, fosfor, pektinlər, qidalı liflərlə zəngin olan gilası ürək və damarlar üçün çox faydalı hesab edirlər.

Gilas damarları təmizləyir, möhkəmləndirir, damarların elastikliyini artırır, partlaması riskini azaldır, ürəyin sağlamlığını qoruyur, orqanizmə ümumi tonuslaşdırıcı təsir edir.

Həmçinin gilas pektinlərlə zəngindir. Pektinlər orqanizmi ziyanlı maddələrdən təmizləyir.

Faydalı xüsusiyyətlərə baxmayaraq artıq çəki, diabet, bağırsaq keçirilməzliyi, köpdən əziyyət çəkənlər, kiçik yaşlı uşaqlar və hamiləliyin sonuncu üçaylığında olanlara gilas yemək tövsiyə edilmir.