Bəzən xərçəng yüngül simptomlarla nəzərə çarpır və altında ciddi problemin olduğu düşünülmür. Alman onkoloqları bu kimi əlamətləri açıqlayıblar.

Aztibb.az medikforum.ru-ya istinadla xəbər verir ki, mütəxəssislərin tövsiyələri "Focus" nəşrində dərc olunub.

Həkimlərin sözlərinə görə, ağciyər xərçəngi adətən soyuqdəymə halları ilə əlaqələndirilən öskürəklə görünə bilər.

Həmçinin mədə qıcqırması ciddi problem kimi görünməyə bilər, lakin o tez-tez təkrarlanırsa, həkimə müraciət etmək lazımdır. Belə simptomlar boğaz və qırtlaq xərçənginə işarə edə bilər.

Bundan başqa, xal ətrafında qaşınmaya da fikir vermək lazımdır.  Çünki, xallar dərinin xərçəng xəstəliyinə – təhlükəli melanomaya çevrilmək imkanına malikdir.

Limfatik düyünlərin böyüməsi orqanizmdə təhlükəli prosesin olduğuna dair simptomlardandır.

Digər bir əlamət isə nəcisdə qan izlərinin meydana çıxmasıdır. Bir çox hallarda o, xoşxassəli şişlər (məsələn, babasil) səbəbindən yaranır. Lakin dəqiq səbəbi yalnız müəyyən müayinədən sonra həkim deyə bilər.