Başın qaşınmasına səbəb tük diblərində olan müxtəlif problemlərdir. Baş qaşınmasına ən çox yeniyetmələrdə və yaşlılarda rast gəlinir. Bu zaman baş dərisində bəzi əlamətlər meydana çıxır:

*gözlə görünən qızartılar
* bəzi hissələrdə sızanaqlar
* saç dərisində olan kəpəklər

Əlamətlər birdən-birə başlayır və insana narahatlıq hissi verir. Bəzən bunun səbəbi onsuz da yağlı olan dərinin həddindən artıq yağlanmasıdır. Bu zaman başın dərisində kəpək, infeksiyalar, iltihabi ocaqlara rast gəlmək olur. Bəzi vaxtlar autoimmun xəstəliklər də baş qaşınmasına səbəb ola bilir. Amma əsasən başın qaşınmasına aşağıdakılar səbəb ola bilir:

* saç dərisində aknelər
* allergiyaya səbəb olan saç boyaları
* qaynar su ilə yumaq
* ekzema
* göbələk xəstəlikləri
* hipotrioz
* psoriaz
* stres
* günəş yanığı.

Baş qaşınmasının verdiyi rahatsızlıq onun şiddətindən və qaşınmanın müddətindən asılıdır. Qaşıntı başın bir hissəsində və ya bütöv saç dibində ola bilər.

Qaşınmanın müalicəsi onu törədən səbəbləri aradan qaldırmaqdan ibarətdir. Əgər səbəb dermatitdən qaynaqlanırsa, saçlara xüsusi qulluq etmək lazımdır. Əgər göbələk mənşəli qaşınmadırsa, göbələk əleyhinə müalicə tələb olunur. Bitki tərkibli müxtəlif saç şampunları da vardır ki, onlar baş dərisinə müalicəvi təsir göstərir. Belə vasitələrin istifadəsi saçların dibində olan iltihab əlamətlərini və dəridəki qıcıqlanmaları aradan qaldırır.