Pensilvaniya Dövlət Universitetinin professoru Kris Etertonun rəhbərliyi ilə 105 adam üzərində tədqiqat aparılıb.
Aztibb.az xəbər verir ki, qanda xolesterolun miqdarının artıb-azalmasını öyrənmək üçün 105 nəfər 4 qidalanma rejimi ilə qidalandırılıb.
* 85 qram bütöv qoz
* 6 qram qoz qabığı
* 34 qram yağı çıxarılmış qoz
* 51 qram qoz yağı.
Alimlər yuxarıda sadalananları yedikdən sonra həmin adamların qan dəyərlərini analiz ediblər. Analizlər qidalar qəbul edildikdən 30 dəqiqə, 1 saat, 2 saat, 4 saat, 6 saat sonra sonra götürülüb və qanda xolesterolun miqdarı, ürək-damar sisteminin fəaliyyəti yoxlanılıb. Nəticələr göstərib ki, qoz yağı ürək-damar fəaliyyətini yaxşılaşdırır və ürək əzələsini qüvvətləndirir. Analizlərin nəticələri qoz yağının qanda xolesterolu azaltdığını da sübut edib.
Mütəxəssislər qozun ürək xəstəliklərinin əmələ gəlməsinin qarşısını almaq qabiliyyətinə də malik olduğunu müəyyən ediblər.
Qoz orqanizmi qüvvətləndirir, tərkibində Omeqa-3 və Omeqa-6 yağ turşuları var. O, orqanizmdəki zərərli maddələririn zərərsizləşməsində böyük rol oynayır, həzmə kömək edir. Həmçinin yaddaşı gücləndirir və beyin hüceyrələrini yeniləyir, maddələr mübadiləsini yaxşılaşdırır.
Qoz yemək boğazdakı iltihab əlamətlərini azaldır və badamcıqlardakı iltihab xəstəliyini sağaldır.
