ABŞ-ın Milli Allergiya və Yoluxucu Xəstəliklər İnstitutu İnsanın İmmunçatışmazlığı Virusuna (HIV) qarşı universal vaksinin yaradılmasının bir addımlığındadır. Bu virusda çox sayda mutasiyalara rast gəlinir: HIV-1 virusları müxtəlif variantlara tez-tez mutasiya edir. Bu fakt vaksinin əldə olunmasını çətinləşdirir - immun sistemi tərəfindən HIV-in tez-tez mutasiya edən bütün müxtəlif variantlarının tanınması çətin prosesdir.

Aztibb.az meddaily.ru-ya istnadən xəbər verir ki, bu yaxınlarda alimlər vFP16.02 adlı çox ümidverici anticisim tapıblar. Vaksinlə stimulyasiya edilmiş bu anticisim potensial olaraq  HIV-1 ilə effektiv mübarizə apara bilər. Tədqiqatçılar HIV-in 208 müxtəlif ştammına qarşı anticisimin reaksiyasını yoxlayıblar və onun iş qabiliyyəti üçün lazım olan genetik, struktur və funksional xüsusiyyətləri müəyyən ediblər.

Alimlər anticisimin strukturunun aşağı hissəsində karkaslı sahə adlandırılan klasteri seçiblər. Bu sahə virusla birləşmə gücünü artıra bilər.

Bununla yanaşı, o, virusun yalnız bir variantı ilə deyil, müxtəlif ştammlar dəsti ilə korrelyasiya edir.