Naxçıvan Muxtar Respublikasında COVID-19 xəstəliyinə qarşı vaksinasiya tədbirləri davam etdirilir.
Aztibb.az xəbər verir ki, Şahbuz şəhərində yerləşən "Ahıllar evi"nin 5 sakini və 32 nəfər xidmət heyəti də vaksinasiyaya cəlb olunub. 28 gündən sonra burada yeni növ koronavirus infeksiyasına qarşı ikinci doza peyvəndləmə aparılacaq.
Qeyd edək ki, “Azərbaycan Respublikasında COVID-19 xəstəliyi əleyhinə 2021-2022-ci illər üçün vaksinasiya strategiyası”na müvafiq olaraq muxtar respublikanın səhiyyə müəssisələrində də ardıcıl tədbirlər həyata keçirilir. Bu məqsədlə Naxçıvan Muxtar Respublikası Səhiyyə Nazirliyində xüsusi komissiya fəaliyyət göstərir. İşçi qrupu tərəfindən həyata keçirilən peyvənd ilkin mərhələdə risk qrupuna daxil olan şəxslərə vurulur.