Kaliforniya Universitetinin alimləri onurğa travmalarından sonra yeni bərpa üsulunu sınaqdan keçiriblər. Onlar zərər görmüş onurğa beyinə təsir edə və sağalma prosesini dəstəkləyə bilən materialıhazırlayıblar. Bu material bir çox istiqamətdə onurğa beyninin təbii toxumalarını imitasiya edir.

Aztibb.az meddaily.ru-ya istinadla xəbər verir ki, alimlərin fikrincə, texnologiyanın tətbiqinin uğurlu olması materialda məsamələrin mövcudluğundan asılıdır. Bu məsamələrin ölçüsü hüceyrələrin ölçüsünə uyğun olmalıdır. Yalnız bu zaman onurğa beyninin hüceyrələri implantatın içinə daxil ola, orada uyğunlaşa və zərər görmüş sinirləri bərpa etməyə başlaya bilərlər.

Məsamələrin mövcudluğu zərər görmüş toxumalara tətbiq edilən gen terapiyasının effektivliyini əhəmiyyətli dərəcədə yüksəldir.

Qeyd edək ki, məsaməli karkas-materialdan istifadə ideyası çoxdan yaranıb. Lakin indi alimlər onu inyeksiyanın köməyi ilə zərər görmüş sahəyə asanlıqla daxil etməyin üsulunu müəyyən etməyə müvəffəq olublar.