Qadınlarda erkən menopauza baş verirdikdə onlarda ruh düşkünlüyü, hormonal pozğunluqlar müşahidə olunur. Ən əsası belə qadınların özlərini xəstə hiss etmələri həmişə narahçıqlara səbəb olmaqdadır. Normalda qadınlarda 50 yaşdan sonra klimaks dövrü başlamalıdır lakin sağlam həyat tərzi qura bilən qadınlar bunu ən azı 5-7 il uzada bilərlər.

 

 

Aztibb.az xəbər verir ki, bu barədə həkim-fitoterapevt Fizuli Hüseynov məlumat verib. O, klimkas dövrünü uzatmağın yollarından danışıb. 

 

Həkim-fitoterapevt qeyd edib ki, 40 yaşdan sonra başlamış klimaks normal hal hesab olunmur. Bju səbəbdən hər bir qadın ən azından 45 yaşdan sonra daha çox diqqət etməli və qeyd olunanlara əməl etməyə çalışmalıdır. Tez-tez abort etdirmək, hamiləliyin qarşısını alan dərmanlardan, hormonal  (zob) dərmanlardan çox istifadə etmək , stres, daimi gərgin şəraitdə yaşamaq, piylənmələr, antidepresantalardan çox istifadə, ümumiyyətlə kimyəvi dərmanların çox qəbulu bu dövrü tezləşdirən səbəblərdəndir.  Onun sözlərinə görə, klimakterik dövrün gec başlaması üçün qeyd olunanalardan uzaq olmaq və aşağıdakılara əməl etmək lazımdır:

 

 

40 yaşından sonra hər bir qadın hər 2-3 aydan bir başdan kürəkdən və beldən hicama etdirməlidir. Hicama bədəndəki toksinləri xaric edir, yeni qan əmələ gətirir, depresiya əleyhinə təsiri vardır, əhval-ruhiyyəni yüksəldir və sonunda bütün bunlar klimakterik dövrün baş verməsini gecikdirir. İldə 2 dəfə zəli qoyulması da effektivdir. Hər dəfə boyun, kürək, bel, qarın üstü büzdüm nöqtələrinə hər 7 gündən bir 6-8 ədəd zəli qoyulmalıdır. Zəli orqanların qidalanmasını yaxşılaşdırır, qanı duruldur və qan dövranını sürətləndirir.

 

 

Klimakterik dövr baş verəndə qadın hormonları olan progesteron və esterogen istehsalı azalır, bundan sonra menstruasiya dönəmləri yavaş-yavaş gec-gec olmağa başlayır və sonda kəsilir. Bu səbəbdən hormonların miqdarını artıran bitkilər qəbul etmək lazımdır.  Bu bitkilərdən biri də güldəfnədir (hilba).

 

2 ay, gündə 3 dəfə, yeməkdən 30 dəq əvvəl 1 çay qaşığı güldəfnə 1 stəkan suda 5 dəqiqə zəif odda qaynadılır. 10 dəqiqə dəmlənildikdən sonra ilıq vəziyyətdə istəyə uyğun bal qarışdırılaraq içilir. 2 aydan sonra 15 gün fasilə verilir, ərküdə və aslan pəncəsi bitkiləri bir-birinə qarışdırılır, qarışıqdan 2 orta xörək qaşığı 3 stəkan suda dəmlənilir, gündə 3 dəfə yeməkdən əvvəl 1 stəkan içilir.

 

2 ay için, sonra 15 gün fasilə verib soğan suyu içilməlidir. Bunun üçün 4-6 ədəd soğanı 1 litr suda 5 dəq qaynadın, 10 dəq dəmləyin və süzün. Gün ərzində için. Bunu 1 ay edib 10 gün fasilə verin adaçayı bitkisinə başlayın, adaçayını gündə 3 dəfə yeməkdən əvvəl 1 çay qaşığı 1 stəkan suda dəmləyib için. Bunu 20 gün edin və 10 gün fasilə verib müalicəyə yenidən başlaya bilərsiniz.

 

F.Hüseynov bildirib ki, müalicə dövründə süd məhsullarının qəbulu artırılmaldır.. Bunun üçün ən faydalı olan gündə 2 stəkan kefir içməkdir. İçdiyiniz hər bir stəkana 1 çay qaşığı zəyərək toxumu qarışdırıb için. Hər gün ən azından 30 dəqiqə açıq havada asta-asta gəzin, əsəb sakitləşdirici bitkiləri arada içmək və yaxşı yatmaq çox önəmlidir. Məsələn, axşamlar yatmazdan əvvəl 1 stəkan süddə 1 çay qaşığı çobanyastığı dəmləyib içmək çox faydalıdır.

 

Həkim əlavə edib ki, ud hindi və qarazirə hormonal pozuntuların qarşısını almaq üçün ən yaxşı vasitələrdəndir. Qarazirənin qəbulu üçün gündə 3 dəfə 1 çay qaşığı toxum ağıza atılır, üstündən su içilir. Qarazirə həm də insanın gec qocalmasına vəsilə olur, dərini parlaq və cavan edir, saçların ağarmasının qarşısını alır, hətta saçları qaraldır və canlı edir. Ud hindi də qarazirə kimi istifadə edilir və növbəli şəkildə hərəsindən 1 ay olmaq üzrə qəbul olunur. Ud hindi və qarazirə həmdə xərçəng xəstəliyindən qoruyur.