İkinci qan qrupuna malik insanlar koronavirusa yoluxma və xəstəliyin ağır inkişaf riski altındadır.

Aztibb.az meddaily.ru-ya istinadən xəbər verir ki, bu nəticəyə Bostonda yerləşən "Brigham and Women's Hospital"ın mütəxəssisləri gəlib.

Tədqiqat müəllifləri virusun insan hüceyrəsinə bağlanmasından məsul olan elementini analiz edib. Onlar ikinci qan qrupunun virusun qırmızı qan hüceyrələrinə və tənəffüs yollarının epitel hüceyrələrinə bağlanma gücünə necə təsir etdiyini anlamaq üçün tədqiqat aparıb. Bağlanma gücü birbaşa infeksiyanın şiddətinə təsir edib.

İkinci qan qrupunda tənəffüs yollarının epitel hüceyrələrində yerləşən antigenlərin virus üçün açıq "üstünlük" olduğu ortaya çıxıb. Lakin fərqli qan qruplarında virusun eritrositlərə bağlanma dərəcəsində əhəmiyyətli fərq olmayıb.