Küncütdə unikal birləşmə olan sezaminol mövcuddur. Bu, oksidləşdirmə stressinə və oksigenin reaktiv formalarına təsir etməklə Parkinsonun xəstəliyi zamanı beynin qara substansiyasının neyronlarını məhv olmaqdan xilas edən güclü antioksidləşdiricidir.

Aztibb.az meddaily.ru-ya istinadən xəbər verir ki, Yaponiyanın Osaka Universiteti neyronları oksigenin reaktiv formalarından müdafiə etmək vasitəsi kimi sezaminoldan istifadə etməyin effektivliyini öyrənmək üçün sınaqlar aparıb. Birləşmə öz effektivliyini sübut edib: o, neyronlarda oksigenin təhlükəli formalarının əmələ gəlməsini azaldıb.

Parkinson (dofaminin azalması və bununla əlaqədar hərəki funksiyanın pozulmasının müşahidə olunması) xəstəliyi ilə oxşar pozuntularına malik gəmiricilər üzərində sınaqlar aparılıb. 36 gün ərzində heyvanlar qida ilə birlikdə sezaminol qəbul ediblər. Bu, onlarda dofamin səviyyəsini yüksəltməyə və çevikliyi artırmağa imkan verib.