Stomatitə (ağız xoraları) böyüklərlə müqayisədə uşaqlarda daha çox təsadüf olunur. Ağız boşluğunun bu iltihabi prosesi sərbəst xəstəlik və ya sistem patologiyalarının əlaməti kimi inkişaf edir.

Aztibb.az xəbər verir ki, immunodefisit hallar prodromal dövrdə adətən müalicəyə çətin tabe olan stomatitlərlə təzahür edirlər. Lakin əksər hallarda stomatit sərbəst şəkildə formalaşır.

Mütəxəxssislər bildirirlər ki, sınıq dişlər, bərk qida hissəcikləri və ya düzgün hazırlanmamış protezlərin törətdiyi mexaniki travmalar stomatitə gətirib çıxarır. Zədələyici amil aradan qaldırıldıqdan sonra travmatik stomatit öz-özünə keçib gedir.