Çirkli hava, zərərli vərdişlər, qaydasız qidalanma bir çox orqana, xüsusi ilə də ağciyərə zərər verir. Lakin pəhriz yeməkləri və idmanla ağciyəri əvvəlki sağlamlığına qaytarmaq olar.

Aztibb.az ağciyəri təmizləyən və qoruyan qidaları təqdim edir:

1. Zəncəfil

İltihab əleyhinə olan bu ədviyyat növü tənəffüs sistemindəki toksinlərin çıxarılmasına və ağciyərlərin təmizlənməsinə kömək edir.

2. Sarımsaq

Təbii antibiotik olan sarımsaq, ağciyərlərin davamlı fəaliyyətini təmin edir və ağciyər xərçənginə qarşı qoruyucu təsir yaradır.

3. Kəklikotu

Tərkibindəki efir yağları nəfəs tıxanıqlığını aradan qaldırır. Öskürək və yuxarı tənəffüs yolu infeksiyalarının qarşısını alır. Antibakterial xüsusiyyətləri sayəsində bakteriya artımının qarşısını alır.

4. Qara kök

Öskürək üçün daha faydalıdır. Tərkibindəki vitamin və minerallar sayəsində güclü antioksidantlara sahibdir. Ağciyər xərçənginin yaranmasının qarşısını alır.

5. Üzüm tumları

Tərkibində "resveratrol" adlı kimyəvi birləşmə ağciyəri qoruyur. Xüsusilə ağciyər xərçənginə qarşı daha təsirlidir. Üzüm tumlarının çeynənilərək qəbul edilməsi tövsiyyə olunur.