Ciddi müəyyən edilmiş miqdarda meyvə və tərəvəzin hər gün istifadəsi daha uzun ömür yaşamağa imkan verir. Bu nəticəyə ABŞ alimləri gəliblər.
Aztibb.az medikforum.ru-ya istinadən xəbər verir ki, Harvard Səhiyyə Məktəbinin tədqiqatçıları sübut ediblər ki, gündəlik iki porsiya meyvə, üç porsiya tərəvəzin istehlakı ölüm faizinin daha aşağı olmasına və maksimal uzunömürlülüyə səbəb olur. Rasiondakı meyvə və tərəvəzlərin miqdarını artırmaq isə hər hansısa bir əlavə üstünlüklərə gətirib çıxarmayacaq. Ona görə də, ABŞ alimləri qidalanma məhsullarının ciddi xroniki xəstəliklərin qarşısını almağa imkan verən, sağlamlığımız üçün ən faydalı və optimal dozasını hesablayıblar.
Lakin bütün meyvə və tərəvəzlər eyni cür faydalı deyil. Yaşıl yarpaqlı tərəvəzlərə (ispanaq daxil olmaqla, kələmin və xiyarın müxtəlif növlərinə) xüsusi diqqət ayırmaq lazımdır. Beta-karotinli tərəvəzlər, sitruslar, həmçinin giləmeyvələr olduqca faydalıdır.
Qeyd edək ki, kartof, qarğıdalı və noxud kimi tərkibində nişastanın yüksək olduğu tərəvəzlər, o cümlədən meyvə şirələri tədqiqatın gedişatında ölüm və ya xroniki xəstəliklər riskini aşağı salmayıb.