Nəyə görə biz bakteriyaları öldürmək üçün 100%-lik yox, 70% və 95%-lik spirtlərdən istifadə edirik?

Aztibb.az xəbər verir ki, bu sualın cavabını həkim-anestezioloq Şahin Məmmədov sosial şəbəkədə etdiyi paylaşımda verib.

Həkim bildirib ki, spirt suyun vasitəsilə bakteriya hüceyrəsinin içərisinə daxil ola bilir. Bakteriyanı tez öldürə bilməsi üçün gərək spirt hüceyrə daxilinə keçə, oradakı zülalları denaturasiyaya uğrada və yağları həll edə. Ona gorə su qatılmış, yəni 70%-lik spirt bakteriyanı daha tez öldürə bilir. 95%-lik isə 100%-lik spirtə çox yaxındır, tez buxarlanır və o, hüceyrə içərisinə keçə bilmir. Sadəcə güclü hiqroskopik olduğu üçün hüceyrə içərisindən suyu sorub cıxardır, hüceyrə susuz yığcamlaşır və bir müddət sonra ölür.

"Belə ki, biz əzələyə iynə vuranda satışda olan tibbi spirtlə həmin nahiyəni silib iynəni əzələyə sancırıq və bu yolla bakteriyaların öldürdüyümüzü düşünürük. Əslində isə nahiyəni sadəcə mexaniki təmizləyirik. Bakteriyanın məhv olması isə gec baş verir", deyə - həkim əlavə edib.